Бүгүн, 31-январда «2022-жыл ичиндеги прокуротура органдарынын ишмердүүлүгү» тууралуу маалымат жыйыны болуп өттү. Анда башкы прокурор Курманкул Зулушев акын Болот Назаровго 10 жыл сураган прокурор тууралуу айтты.
“Сотто катышкан прокурордун өз эрки, басым болбойт. Эгерде ал күнөөсү бар деп санаса, канча жылга кесүү тууралуу соттон сурайт. Катышкан прокурор ошол максатта 10 жыл сурап жатат. Ишти эң жакшы ошол прокурор билет.”,- деди ал.
19-январда тараптардын талкуусунда прокурор айыпталуучуну 10 жылга эркинен ажыратууну суранган. Ошондой эле, Зулушев Болот Назаров акталбаганын, жабырлануучу тарап тосмо арыз жазгандыктан иш кыскарганын билдирди.
Эскерте кетсек, акын Болот Назаров Москва районунда өспүрүмдүн жылкысын тартып алууга шектелип кармалган.