Коронавируска каршы россиялык вакцинаны Кыргызстанда да өндүрүү жагы каралып жатат. Бул тууралуу Россиянын президенти Владимир Путин ЕАЭБдин саммитинде айтты.
Маалыматка ылайык, Россия кыска убакыттын ичинде дарынын натыйжалуу жана коопсуз үч түрүн чыгара алганын, жакынкы мезгилдерде «Спутник Лайт» деп аталган төртүнчү вакцина чыгарыларын белгиледи.
«Спутник V» дарысын өндүрүү Беларусь менен Казакстанда жолго коюлду. Россия вакцина боюнча технологияны чет жакка берген жалгыз өлкө. Эми мындай өндүрүштөрдү Армения менен Кыргызстанда ишке киргизүү мүмкүнчүлүгү каралып жатат», — деди Россиянын лидери.
Эскерте кетсек, дары коопсуздугу жаатындагы кызматташууга да маани берүү зарылдыгын кошумчалады.
