Бишкекте белгисиз жаран майып коляскасында отурган кишини бийиктиктен түртүп жиберген. Бул тууралуу 7-каналга Бишкек ШИИБден билдиришти.
Маалыматка ылайык, 23-мартта милицияга №4 ооруканадан кабар түшкөн. Анда 1988-жылы туулган жарандын кабыргалары сынганы, ал ооруканада көз жумганы айтылган. Окуя болгон жерге барган милиция кызматкерлери маркум ушул жылдын 21-мартында Рыскулов жана Заводской поселок көчөлөрүнүн кесилишиндеги каналда майыптар коляскасында табылганын аныкташкан.
Аталган факты боюнча Кылмыш-жаза кодексинин 130-беренеси (Адамдын өлүмүнө алып келген ден соолукка оор залал келтирүү) боюнча кылмыш иши козголгон.
Кылмышка шектүү делип 40 жаштагы жаран кармалган. Тергөө уланууда.