Эстрада ырчысы Айгерим Расул кызы Орусиянын Сочи шаарында өтчү «Дүйнө айымы» («Lady world») сулуу айымдар сынагына катышат. Бул кубанычтуу жаңылыгы менен ырчы айым социалдык тармактагы баракчасына бөлүштү.
«Урматтуу кыргыз элим, кадырлуу калкым! Россия федерациясынын Сочи шаарында өтүүчү дүйнөлүк сулуу айымдардын “LADY OF WORLD” “ДҮЙНӨ АЙЫМЫ” сынагына сапар алганы турам. Бул сынака 12 өлкөдөн 40 катышуучу чоң байгеге ат салышат. Ушул күнгө чейин элим үчүн, жерим үчүн ак эмгегимди жумшап аракеттенип келем. Азыр эми жаркын тилегиңер менен ак батаңыздарды жайып, мага бул кароо сынактан жеңишке жетүүгө өбөлгө болуңуздар! Сиздердин колдооңор мен үчүн абдан маанилүү. Кыргыз элимдин ар намысын бийик тутуп болгон күч аракетимди жумшайм! Дүйнөлүк “LADY OF WORLD” сынагына Кыргызстан мамлекети биринчи жолу катышкан турат. Ошол биринчилерден болуп бара жатканыма сыймыктанам жана жоопкерчиликти туюп турам. Буюрса кыргыз кыздарынын аруулугун, акылмандуулугун жана эн башкысы сулуулугун дүйнө жүзүнө даңазалайм!»,- деди ал.
Посмотреть эту публикацию в Instagram
