Монголияда өткөн Open Ulaanbaatar рейтингдик мелдешинде Кыргызстандын капчыгына дагы эки медаль кошулду. Бул тууралуу Дене тарбия жана спорт мамлекеттик агенттигинен билдирди.
Эркин күрөш боюнча балбандар Аден Сакыбаев коло байгеге, Рустамжан Кахаров күмүш медалга ээ болушту.
Кахаров 70 кг чейинки салмак категориясында күч сынашып, жарым финалда монголиялык Усухбаатар Баатархууну 10:0 эсебинде мөөнөтүнөн мурда жеңип алды. Ал эми финалда монголиялык Тулга Тумур Очир менен беттешмек, бирок алган жаракатынан улам килемге чыга албай, күмүш медалдын ээси болду.
Аден Сакыбаев 70 кг салмак категориясында күч сынашып, коло медаль үчүн беттеште монголиялык Усухбаатар Баатархууну 4:3 эсебинде жеңип, рейтингдик турнирдин коло медалын багындырды.
