Сүлүктү шаарындагы мурдагы мамлекеттик оорукананын имараты ыктыярдуу түрдө мамлекетке кайтарылды. Бул тууралуу УКМК билдирет.
2010-жылдын декабрында ачык аукцион аркылуу аталган оорукананын имараты көмүр казуучу компанияларга жеке менчикке сатылган. Кийинчерээк аталган оорукананын имараты максатсыз пайдаланылып, бузулуп, иштебей калган.
Студенческая көчөсү дарегинде жайгашкан 0,88 га жер тилкеси менен мамлекеттик оорукананын имараты көмүр казуучу ишканалар менен түзүлгөн келишимге ылайык, Сүлүктү шаардык мэриясынын балансына ыктыярдуу түрдө кайрадан каттоодон өткөрүлгөн.
