Караколдон унаа уурдап качкан шектүү Ак-Суу айылынан кармалды. Бул тууралуу ИИМдин Жол кыймылынын коопсуздугун камсыздоо башкы башкармалыгынын басма сөз кызматынан билдиришти.
Маалыматка караганда, Каракол шаарынын Масалиев көчөсүндө жайгашкан “Санжыра” кафесинин алдында токтоп турган “ВАЗ-2107” үлгүсүндөгү унааны 10-марттан 11-мартка караган түнү белгисиз адамдар айдап качып кеткен.
Бул факты боюнча ыкчам издөө иш-чаралары жүргүзүлгөн. Анын жыйынтыгында Каракол шаардык жол кыймылынын коопсуздугу камсыздоо бөлүмүнүн өздүк курамы тарабынан 40 жаштагы Ж.Д.Т. аттуу жаран Ак-Суу айылынан кармалды.
Шектүү Каракол ШИИБнин тергөө кызматына өткөрүп берилди.
