Кыргыз Республикасынын эмгек сиңирген мугалими, «Ноокат билимканасынын» мурдагы директору Саадат Сатарова: Биздин Билимкана 1990-жылдардын башында уюштурулган, негизинен, математика, физика жана информатика сабактарына басым жасалат, биздин мектепти бүткөндөр азыр жогорку кызматтарда бийликте, чет мамлекеттерде, мисалга, АКШда же Малайзияда иштейт. Биздин Билимкананы айрымдар Бишкектеги №61 физика-математикалык мектеп менен салыштырат, бирок ал коммерциялык болуп кеткен, биздин Билимкана болсо андайдан алыс.
«Ноокат билимканасында» тарбия иштерине дагы өзгөчө көңүл бурулат, ар бир мугалим окуучуда патриоттук сезим өстүрүүгө аракеттенет, Билимканада чет мамлекеттерден келген ыктыярчуулар дагы сабак берет, эң негизгиси болсо, – билим адамга, өзгөчө жаштарга, эмне үчүн керек экенин оукуучулар түшүнүп, турмуштагы аракеттерин ошол түшүнүк менен жасап калат…
