Кыргыз улуттук университетинин проректору, филология илимдеринин доктору, профессор Садык Алахан: Мындан 10-15 жыл мурда жайсаңчылар биринчи китептерин чыгарганда, Манасты изилдеген дасыккан илимпоз-адистер аны этибарга албастан, көп көңүл бурбай калган. Андан пайдаланып, эпостун идеясын бурмалагандар асмандан алынган текстти 10 томдук китеп кылып чыгарды жана чет тилдерге да которуп жиберди.
Муну кыргыз улуттук идеологиясына каршы жасалган диверсия деп да атаса болот. Акырында Баш прокуратура өзү кылмыш ишин козгоп, натыйжада райондук, облустук жана Жогорку сот жайсаңчылардын чыгармасын экстремисттик текст деп таап, аны таратууга тыюу салып, бардык дүкөн-китепканалардан алдыртуу чечимин чыгарган. Бирок, ага карабастан, соттун чечимин дагы көзгө илбей, жайсаңчылар өз аракеттерин улантууда…
