Бүгүн, 17-декабрда кыргыз футболунун 100 жылдыгына арналган футбол боюнча достук оюнуна өлкө башчы жана президенттин администрациясынын командасы катышты. Иш-чаранын ачылышында президент сөз сүйлөдү.
“Бүгүн кыргыз футболунун 100 жылдыгы болуп отурат. 100 жыл мурун Пишпек шаарында алгачкы жолу футбол ойнолуп баштаган экен. Ошондуктан президенттин администрациянын жетекчиси ушул демилгелеп, эки максат менен киш-чараны уюштуруп отурушат. Биринчиси футболдун 100 жылдыгын белгилөө, экинчиси футболду пропагандалоо.
Мелдеште негизи кыргыз бир эле сөз менен терең философиялык маанини айтып койгон “күч атасын тааныбайт” деген. Күчтүүлөр жеңсин, адилеттүү оюн болсун, жакшы жыйынтыктап алалы”, — деди Жапаров.
Белгилей кетсек, оюндар «Спорт» (КТРК) телеканалынын түз эфиринде чагылдырылууда.
