Президент Садыр Жапаров Токиодогу «Борбордук Азия + Япония» Диалогунун биринчи саммитинин алдындагы иш-чарага катышты. Бул тууралуу Президенттик администрациянын басма сөз кызматы билдирди.
Президент Садыр Жапаров кечээ, 19-декабрда, Японияга болгон расмий сапарынын алкагында Токио шаарындагы «Акасака» мамлекеттик конок үйүнө барды.
Мамлекет башчысын Япониянын Премьер-министри Санаэ Такаити тосуп алды.
Андан соң Президент Садыр Жапаров менен Япониянын Премьер-министри Санаэ Такаити ардактуу кароол ротасынын жанынан кызыл килем үстүнөн өтүшүп, биргелешип сүрөткө түшкөндөн кийин Борбор Азия өлкөлөрүнүн лидерлеринин урматына уюштурулган тосуп алуу кечки тамагына катышуу үчүн залга өтүштү.
