Садыр Жапаров өлкөдөгү эпидемиологиялык кырдаалды жакшыртуу жана калктын коронавирус инфекциясына каршы иммунитетин күчтөндүрүү максатында Республикалык ыкчам штабга калкты эмдөөнү тездетүүнү тапшырды. Бул тууралуу президенттин аппаратынын басма сөз кызматы билдирди.
Маалыматка ылайык, Президенттин Администрациясынын, Министрлер Кабинетинин, министрликтер менен ведомстволордун жетекчилерине, Министрлер Кабинетинин облустардагы ыйгарым укуктуу өкүлчүлүктөрүнө, райондук мамлекеттик администрацияларга жана айыл өкмөттөрүнүн кызматкерлерине эмдөөдөн өткөрүүнү камсыз кылуу тапшырылды.
Ошондой эле, Президент Садыр Жапаров өлкөнүн бардык жарандарын өздөрүнүн жана айланасындагы адамдардын ден-соолугун коргоо үчүн аң-сезимдүү болуп, эмдөөдөн өтүүгө чакырды.