2026-жылы Саламаттык сактоо министрлиги өлкө боюнча 150 жаңы тез жардам унаасын сатып алууну пландап жатат. Бул тууралуу саламаттык сактоо министри Дамир Осмонов журналисттерге билдирди.
Министрдин айтымында, жакынкы күндөрү өлкөгө 60 тез жардам унаасы жеткирилет. Мындан тышкары дагы 90 унаага буюртма берилген.
«Жалпы унаалардын ичинен 60ы Бишкек шаарына бөлүнөт. Ооруканалардын тез жардам унааларына жана медициналык жабдууларга болгон муктаждыгы азырынча толук камсыздала элек. Бирок бул багыттагы иштер ырааттуу уланууда»,-деди Дамир Осмонов.
