Саламаттыкты сактоо жана социалдык өнүгүү министрлиги Бишкек-Ош унаа жолунда катталган жол кырсыктан жабыркаган биринчи вице-мэр Жамалбек Ырсалиевдин, ырчы Самара Каримованын жана анын жолдошу Асан Мансуровдун абалы жөнүндө айтып берди.
Министрликтин маалыматы боюнча, кырсыктын кесепетинен 26-июлда Токтогул районунун жалпы медициналык практикалык борборуна ар кандай жаракат алган беш жабырлануучу жаткырылган.
Ырчы айым Самара Каримова ооруканага баш мээси чайкалып, көкүрөк омурткасынын сыныгы менен түшкөнү такталды. Анын жолдошу Асан Мансуровдун дагы баш мээси чайкалып, башынан жабык жаракат алган. Үчүнчү жүргүнчү Н.А. белинен жаракат алган. Бейтаптардын абалы туруктуу деп бааланууда.
Вице-мэр Жамалбек Ырсалиев баш болгон эки жабырлануучу канааттандырарлык абалда амбулатордук дарыланууга жөнөтүлдү.