Эми самокат, скейтборд, гироскутер, сигвей жана монодөңгөлөк тебүү эрежелерин бузгандарга 500 сом айып пул салынат. Мыйзам долбоорду Жогорку Кеңештин депутаты Марлен Маматалиев даярдап, коомдук талкууга койду.
Анда көрсөтүлгөндөй, эгер алты айдын ичинде экинчи ирет эреже бузулса, 2000 сомдук айып төлөйт.
“Ал эми техникалык талаптарга жооп бербеген электросамокаттарды ижарага берип, анын кесепетинен адамдар жаракат алса жеке жактарга 8 миң, юридикалык жактарга 13 миң сомдук жаза берилет.
2020-жылдан бери электросамокаттардан жабыркагандар боюнча ИИМде 157 факт катталган. Бейрасмий эсепте сандар мындан да көп болшу мүмкүн. Себеби, жыл башынан бери Бишкектеги ооруканаларга ушундай кырсыктардан жаракат алып 151 адам түшкөн” – деп көрсөтүлөт мыйзам долбоорунда.
