Бишкек мэриясынын муниципалдык көрктөндүрүү инспекциясы тыюу салынган буюмдарды өрттөп жаткандарды аныктоо үчүн мончолор менен сауналарды текшерүүдө. Бул тууралуу мэриянын басма сөз кызматы билдирди.
“Акыркы жумада калаа ичиндеги 38 мончо жана сауна текшерилди. Тигүү калдыктарын, резина жана пластмассаларды мыйзамсыз өрттөө фактылары аныкталган жок” – деп айтылат маалыматта.
Белгилей кетсек, жыл башынан бери экологияны жакшыртуу максатында 198 рейд жүргүзүлүп, жыйынтыгында жалпы суммасы 478 миң сомго 41 протокол түзүлгөн.
Ошондой эле инспекция тарабынан ишкердик субъекттерине отундун альтернативдүү түрүнө өтүү боюнча эскертүүлөр сунуш катары берилет.
