Бишкек шаардык Мамлекеттик санитардык-эпидемиологиялык көзөмөлдөө борборунун санитардык дарыгери жарандардан системалуу түрдө акча каражаттарын опузалагандыгы үчүн кармалды. Бул тууралуу УКМК кабарлады.
Ал Бишкек шаардык «Башкы архитектурасынан» уруксат алуу үчүн, тиешелүү тараптарга санитардык нормалардын сакталышын тастыктаган уруксат кагаздарын мыйзамсыз берип жүргөн.
12-июнда дарыгердин электрондук капчыгына чоң өлчөмдөгү акча каражаты которулган. Өздүк тинтүү учурунда анын жанынан 25 миң сом, ал эми унаасынан 55 миң сом табылып алынган. Ал бул акчанын келип чыгышын түшүндүрүп бере алган эмес.
Дарыгер УКМКнын убактылуу кармоочу жайына киргизилди.
