Жогорку Кеңеш бүгүн, 7-июлда укук коргоо органдарынан Кыргызстандын жараны, «Сапат» лицей-окуу жайларынын негиздөөчүсү Орхан Инандынын дайынсыз жоголуп, Түркиядан табылышы боюнча маалымат алды.
Депутат Абдувахап Нурбаев, «Сапат» окуу жайларынын мындан аркы иши кандай болоорун сурады.
Жыйынга катышкан Билим берүү жана илим министринин орун басары Надира Джусупбекова, «Аталган окуу жай Кыргызстандын аймагында жайгашкандыктан, Кыргызстандык балдар окуп, мугалимдер да Кыргызстандык болгондуктан иш мурдагыдай эле улана берет»-деп айтты.
