Свердлов районунун ички иштер башкармалыгынын милиция кызматкерлери жана Свердлов районунун УКМКнын кызматкерлери менен биргеликте сойкулукка жана ыпластыкка шектүү жаран аныкталды.
1-майда Бишкекте «Притон-Бабочка» аталышындагы профилактикалык иш-чаралардын жүрүшүндө Осмонкул көчөсүндө жайгашкан сауналардын биринде администратор социалдык жоопкерчилиги чектелген кыздарга интимдик кызмат көрсөтүүгө шарт түзүп берилгени аныкталган.
Аталган факт боюнча Тергөө кызматы тарабынан Кылмыш-жаза Кодексинин 160-беренесине (Сойкулукка жана ыпластыкка көмөктөшүү) ылайык кылмыш иши козголгон.
Кылмышка шектүү 1987-жылы туулган Д.И., аттуу жаран аныкталып кармалган. Ал Свердлов РИИБдин Тергөө кызматына жеткирилип, убактылуу кармоочу жайга киргизилди.
Учурда тергөө иштери уланууда.
