Семёнов чокусуна чыгып кеткен чет өлкөлүк жаран 10 күндөн бери дайынсыз. Учурда издөө иштери уланууда деп билдиришти ӨКМден.
«Бүгүн, 24-июлда саат 07:30да Семёнов чокусунун батыш тарабынан түшкөн кар көчкүнү кароого «Эдельвейс» кошуунунан 8 куткаруучу чокусуна чыгып кетишкен. Кечээ, саат 15:15те күн ысып, кар эрий баштагандыктан, кар көчкүдөгү куткаруу иштери убактылуу токтоп, куткаруу тобу Семёнов чокусунан Хижина Рацекага кайтышты, издөөдөн жыйынтык болгон жок»,- дешти аталган кызматтан.
Эске салсак, «Семёнов — Тянь-Шанский» чокусуна 14-июлда К.С. аттуу чет өлкөлүк жаран чыгып кетип, байланышка чыкпай жаткандыгы тууралуу туугандары билдиришкен.
