Бишкек шаарынын 53миң 911 тургуну биометрикалык каттоодон өтпөгөнү үчүн шайлоого катыша албайт. Бул тууралуу Борбордук шайлоо комиссиясынын басма сөз кызматты билдирди.
Маалым болгондой, учурда борбор калаада 1 053 915 жаран жашайт, алардын ичинен 416 миң 749 адам шайлоочулардын тизмесине кирген.
«Жалпысынан өлкөдө 344 миң жаран биометрикалык каттоодон өтпөсө, Бишкекте бул көрсөткүч 53 911 адамды түзөт. Башкача айтканда, шайлоо укугуна ээ шаардыктардын 11,5 пайызы биометрикалык маалымат тапшырбагандыгына байланыштуу добуш бере албайт. Ошондой эле 7 миң 799 жарандын 2017-жылдагы үлгүдөгү паспорту бар, аларды каттоо дареги учурдагы паспорттогу маалыматтарга дал келбейт», — деп айтылат маалыматта.
