18-октябрда дүйнөгө белгилүү ырчы Шакира Бишкекте концерт коёт. Бул тууралуу президенттин иш башкармалыгы билдирди.
Концерт Бишкек Аренада Las Mujeres Ya No Lloran World Tour деп аталган дүйнөлүк турунун алкагында өтөт.
«Бул Шакиранын Борбор Азиядагы биринчи концерти болот», — деп жазды Каныбек Туманбаев.
Концертке билеттерди сатуу 1-октябрда саат 09:00дө башталат. Билеттердин баасы категориясына жараша 12 000 сомдон 40 000 сомго чейин болот:
- фан-зона — 40 000 сом;
- бий аянтчасы — 27 000 сом;
- Skybox — бир адамга 30 000 сом;
- орундуктар — 13 500 сомдон 40 000 сомго чейин;
- капталдагы орундар — 12 000 сом.
VIP билеттер кийинчерээк чектелген санда сатыкка чыгат.
