Өзбекстандын президенти Шавкат Мирзиёевдин Кыргызстанга боло турчу мамлекеттик сапары жылдырылды. Бул тууралуу ТИМдин басма сөз кызматы билдирди.
Тышкы иштер министрлигинен белгилешкендей, чечим Кыргызстан менен Өзбекстандын президенттеринин сүйлөшүүсүнүн жыйынтыгында кабыл алынды. Өзбекстандын президентинин сапарынын мөөнөтү гана жылдырылды. Визит 2022-жылдын аягына чейин ЖЕЭК жыйынынан өзүнчө өтөт.
“Жогорку Евразия экономикалык кеңешинин жыйынтыктоочу жыйынына Өзбекстандын премьер-министри Абдулла Арипов келет”, — деп айтылат маалыматта.
Буга чейин Өзбекстандын президенти Шавкат Мирзиёев 9-декабрда Кыргызстанга мамлекеттик сапар менен келери маалымдалган.
