«Скай Мобайл» ЖЧКсы салык төлөөдөн баш тарткандыгы үчүн бюджетке 112 миллион сом төктү. Бул тууралуу аталган мекеменин басма сөз кызматынан билдирди.
Маалыматка ылайык, Кылмыш-жаза кодексинин 232-беренесинин 2-бөлүгүнө ылайык, 2019-жылдын ноябрь айында «Скай Мобайл» ЖЧКсына салык төлөөдөн баш тартуу фактысы боюнча кылмыш иши козголгон. Тергөө ишинин алкагында, Финпол тарабынан “Скай Мобайл” ЖЧКсы мамлекеттик бюджетке 112 миллион сомдон ашык зыян келтиргени аныкталган.
11-февралда ЖЧК бюджетке келтирген 112 миллион 103 миң 243 сом өлчөмүндөгү зыяндын ордун толтурган.
Азыркы учурда Финансы полициясы өлкөнүн ички экономикалык коопсуздугун камсыз кылууга жана экономикалык, коррупциялык жана кызматтык кылмыштардан мамлекетке келтирилген зыяндын ордун толтурууга багытталган иш-чараларды улантууда.
