Сокулук районунда зордуктоого шектелген жаран кармалды. Бул тууралуу Чүй ОИИБден билдиришти.
Маалыматка ылайык, 29-январь күнү милицияга 1983-жылы туулган Сокулук районунун тургуну арыз менен кайрылган. Анда 26-январга караган түнү физикалык күч колдонуп, 2008-жылы туулган жашы жете элек кызын эркине каршы зордуктаган белгисиз адамга карата чара көрүүнү суранган.
Аталган факты Сокулук РИИБге катталып, Кылмыш-жаза кодексинин 154-беренесинин (зордуктоо) негизинде кылмыш иши козголгон. Шектүү 1992-жылы туулган жаран 2-март күнү милиция кызматкерлери тарабынан кармалган.
Учурда тергөө иштери уланууда.
