Сокулукта 34 жаштагы жаран 14 жаштагы өгөй кызын зордуктоого шектелүүдө. Бул тууралуу Чүй ОИИБнин басма сөз кызматы билдирди.
Маалыматка ылайык, 15-майда Ю.Г., аттуу жергиликтүү тургун 14 жаштагы кызын зордуктаган күйөөсүнө чара көрүүнү суранып арыз менен кайрылган.
«Факт Кылмыштардын жана жоруктардын бирдиктүү реестрине «16 жашка толо элек кыз менен сексуалдык аракетке баруу» беренеси боюнча катталды. Милиция кызматкерлери арыз менен кайрылган жаран шектүү менен 2012-жылдан бери никеде жашап келишкенин жана алар аялдын биринчи турмушундагы кыз алар менен чогуу жашарын аныкташты. Бирок, шектүү зордуктоону четке кагууда. Ал учурда убактылуу кармоочу жайга камалды», — деп берилет маалыматта.