Жер тилкелери менен алдамчылыкка шектелген аял Сокулук райондук сотунун чечими менен Бишкек шаарындагы СИЗО-1ге бир айлык мөөнөткө киргизилди. Бул тууралуу арыз ээлеринин бири Гүлзад Тойчиева билдирди.

Анын айтымында, Ырысбүбү Касиева Сокулук районундагы жабырлануучуга тиешелүү эки гектар жерди сатып жиберген.

«Менин жериме эки чоң үй салынып жатканын билип калдым. Бирок ал жер эгин талаа болгондуктан бир нерсе куруугабагытталган эмес. Мен бул Касиеваны тааныбайм, анан бирөөнүн жер тилкесин кантип төрткө бөлүп сатып жибергенин түшүнбөйм. Биз муну мамкаттоо менен айыл өкмөттүн кызматкерлери менен жерди тактоо үчүн барганда билдик. Мен милицияга кайрылдым. Тергөөнүн жүрүшүндө Касиева Аламүдүн жана Ысык-Ата облустарында да мындай мыйзамсыз аракеттерге барганы белгилүү болду», — дейт жабырлануучу.

Ырысбүбү Касиевага карата КР Кылмыш-жаза кодексинин «Ири өлчөмдөгү алдамчылык» беренеси боюнча кылмыш иши козголду. Ошондой эле ал буга чейин да алдамчылык менен жер сатып, мыйзамсыз иштерге аралашып келген. Бирок далил жок болгондуктан сотко чейинки өндүрүш токтотулуп, бошотулган.