Сокулук районуна караштуу Төш-Булак айылындагы мурдагы «Карл-Маркс» колхозунун 1,24 гектар үрөн кампасы мамлекеттин балансына өткөрүлдү. Бул тууралуу УКМК билдирет.
Үрөн кампа имаратын жана ага таандык жердин бир бөлүгүн мурдагы айыл өкмөт башчысы өз алдынча ээлеп, мыйзамсыз курулуш куруп, колдонуп келген. Ал эми үрөн кампанын негизги бөлүгү жергиликтүү элдер тарабынан негизсиз колдонулган.
Буга чейин үрөн кампасын муниципалдык менчикке өткөрүп, инвестиция тартуу максатында оңдоп-түзөө жана жерге болгон мамлекеттик актысын алууда «Кадастр» мекемесинин Сокулук филиалына айрым кызматкерлери кызмат абалынан пайдаланып, үрөн кампасын муниципалдык менчикке каттоодон баш тарткан.
Учурда мурдагы айыл өкмөт ээлеп алган жерин өз ыктыяры менен бошотуп жана кыймылсыз мүлктү муниципалдык менчикке өткөрдү.
