Соода борборуна бомба коюлганы тууралуу жалган маалымат берген жаран кармалды. Бул тууралуу Бишкек ШИИББден кабарлады.
Шектүү 19-февраль күнү 20:03тө 102 кызматына чалып Asia Mall соода түйүнүнө бомба коюлганын кабарлаган. ИИМдин кинологиялык кызматы соода борборун текшерип, жардыруучу зат табылган эмес.
Бул факт боюнча «Билип туруп террордук акт жөнүндө жалган кабарлоо» беренеси менен иш козголуп, 34 жаштагы жаран кармалган.
Эскерте кетсек, мындай кылмыш үчүн 5 жылга чейин эркинен ажыратуу каралган.
