Социалдык фондунун аудит башкармалыгынын башкы аудитору Б.Б.М. кармалып, убактылуу кармоочу жайга киргизилди. Бул тууралуу УКМК билдирет.
Социалдык фондунун кызмат адамдары бюджеттен өзгөчө ири өлчөмдөгү бир жолку акчалай компенсацияларды чыгаруу максатында «Чернобыль союзунун ардагерлери жана майыптары» коомдук бирикмесинин пенсионерлеринин жасалма архивдик маалымкаттарын пайдалануу менен системалуу түрдө коррупциялык схема уюштургандыгы аныкталган.
Учурда бул коррупциялык ишке тиешеси бар башка адамдарды аныктоо жана жоопкерчиликке тартуу иштери жүрүүдө.
