Мындан 3 күн мурун Кеминде жоголгон кыз Келечек конушунан табылды
Милициянын кайгуул кызматкерлери жоголуп кеткен кызды таап беришти. Бул тууралуу аталган кызматтын басма сөз кызматынан билдиришти.
Маалыматка ылайык, мындан 3 күн мурун социалдык сайттарда жана WhatsApp группаларда Кеминдик Назима аттуу кичинекей кызга издөө салынып, маалымат тараган.
Бул маалыматка ылайык милициянын кайгуул кызматынын өздүк курамына багыттама берилген.
Бүгүн, 16-январда саат 01:00 чамасында Бишкек ШИИББнын “102” кызматына белгисиз жарандар тарабынан Келечек конушунда кичинекей кыз жүрөт деген маалымат келип түшкөн.
Айтылган дарекке ошол замат кайгуул кызматкерлери барып, маалыматты тактаган кичинекей кыз издөөдө жүргөн Назима аттуу кыз экендиги аныкталган.
Кийин Кеминден милиция кызматкерлери чакыртылып, андан ары ата-энесине жеткирип берүү үчүн милиция кызматкерлерине өткөрүлүп берилди.
