“Актилек-унаа жол” көзөмөл-өткөрүү пунктунан Кыргызстандын аймагына тиешелүү лицензиялары жок спирт ичимдиктерин мыйзамсыз алып өтүү аракетине бөгөт коюлду. Бул тууралуу УКМКдан билдиришти.
Текшерүүнүн жүрүшүндө спиртти Кыргызстандын аймагына этил спиртин жана алкоголдук продукцияны сатуу жана сактоо боюнча мамлекеттик органдын лицензиясы жок ишкерлик менен алектенген субъекттердин бири тарабынан ташып келингени аныкталган. Алдын ала эсептөөлөр боюнча, импорттолгон алкоголдун жалпы көлөмү 8 тоннага жакын.
Учурда текшерүү иш-чаралары жүргүзүлүүдө.
