Кечээ, 20-июль Жалал-Абад облусунун Сузак районунда катуу жааган жамгырдан сел кетип, 6 жаштагы кыз каза болду. Бул тууралуу Өхгөчө кырдаалдар кызматы кабарлады.
Маалыматка ылайык, кечээ, кечки саат 17:00 чамасында Кара-Дарыяга кошулган селдин суусу ташкындап, Достук, Чаңгыр-Таш айылдарын каптаган. 300дөн ашуун турак үйлөрдүн ичине чейин суу кирген.
Катуу келген селге 2015-жылы туулган кыз агып кетип, анын жансыз денеси түнкү саат 23:00 чамасында табылган.
Кырсык катталган жерге ӨКМдин куткаруучулары, атайын унаалары иш алып барууда.