Сузакта кой уурдоого шектелип эки кыз кармалды. Бул тууралуу Жалал-Абад ОИИБден билдирди.
Милицияга Сузак айылынын тургуну арыз менен кайрылган. Анда, 8-февраль күнү саат 22:00 чамасында үйүнүн короосуна белгисиз жарандар кирип, 8 баш койлорун уурдап кеткендигин билдирген.
Жабырлануучуга олуттуу өлчөмдө материалдык зыян келтирилген. Бул факт «Мал уурулук» беренеси менен катталып, кылмыш иши козголгон.
Шектүү катары, Сузак районунун 2005-1994-жылкы тургундары кармалып, убактылуу кармоочу жайына киргизилди. Учурда тергөө амалдары жүрүүдө.
