Жалал-Абад облусунун Сузак районундагы Көк-Арт дарыясынан 13 жашар кыздын жансыз денеси табылды. Бул тууралуу Өзгөчө кырдаалдар министрлигинин басма сөз кызматы кабарлайт.
Аталган дарыяга 2008-жылы туулган кыз чөгүп кеткендиги тууралуу маалымат ӨКМ кызматына 10-апрельде келип түшкөн.
Жеринде издөө иштерин жүргүзүү үчүн Жалал-Абад шаардык ӨКБдан 4 куткаруучу, Сузак райондук ӨКБдан 8 куткаруучу, Сузак райондук ӨК бөлүмүнөн 2 офицер, жалпы 14 куткаруучу тартылылган.
Бирок куткаруучулар жеткенге чейин жергиликтүү тургундар тарабынан кыздын жансыз денеси табылып, туугандарына өткөрүлүп берилген.