Сузакта ур-токмоктон улам көз жумган окуучунун иши боюнча 4 шектүү камакта калтырылды. Бул тууралуу 7-каналга Жалал-Абад ОИИБден билдиришти.
Билдирүүгө караганда, төртөө тең 1 айга камакта калтырылган.
Эскерте кетсек, 1-март күнү Сафаровка айылында жайгашкан эски мектептин имаратынын ичинде 10-класстын 4 окуучусу ошол эле мектептин 9-классынын 5 окуучусун бир катарга тизип алып “эмнеге түндө көчөгө чыкпай жатасыңар” деп колдору менен уруп жатышкан учурда, 2008-жылы туулган окуучу денесине келтирилген жарааттан улам жерге жыгылып, башы дубалдын кырына тийип жарылып, денесинен оор жарат алган жана окуя болгон жерде каза болгондугу такталган.
