Бишкек-Ош жолунда альтернативдүү тоннель куруу пландалууда. Бул тууралуу бүгүн, 20-декабрда Жогорку Кеңештин Транспорт, коммуникациялар, архитектура жана курулуш боюнча комитетинин жыйынында белгилүү болду.
Маалыматка ылайык, депутат Элдар Сулаймановго комитеттин сырттагы жыйындарынын биринде Транспорт жана коммуникация министрлигинин өкүлдөрү Төө-Ашуу ашуусундагы тоннелдин эскилиги жеткендигине байланыштуу жаңы тоннель куруу мүмкүнчүлүгү каралып жатканын билдиришкен.
Транспорт жана коммуникациялар министри Тилек Текебаев Сосновка-Талас унаа жолуна 11 чакырым альтернативдик тоннель курула турганын билдирген.
«Долбоор даярдалып жатат. Сынакта ким жеңсе, ошол курат. Тоннель азыркыдан 1000 метр төмөн болот», — деп кошумчалады министр.