Төө-Ашуудагы Көлбаев атындагы тоннель быйыл оңдоп-түзөөдөн өткөрүлөт. Бул тууралуу транспорт жана коммуникациялар министри Тилек Текебаев соц.тармактагы баракчасына жазып чыкты.
Министр ушул маселе боюнча абдан көп суроолор болуп жаткандыгын билдирди.
«Төө-Ашууда аба ырайы суугурак экенин билесиздер. Күндүн жылышы менен тоннелдин ичине жаңы асфальт төшөлүп, жарыктары алмаштырылып, жана башка оңдоп-түзөө иштери иштери болот. Жолду салганга жараша, сапаттуу салалы. Антпесек, кайра эле убара болобуз. Төө-Ашууда каттам да көп, андыктан ишти дыкат аткарууга тапшырма бергем» — деди.
