13-апрелге карата Кыргыз-тажик чек арасында абал салыштырмалуу туруктуу. Бул тууралуу УКМКнын басма сөз кызматы билдирди.
“Түн тынч өттү, атышуулар катталган жок. Түнкүсүн саат 03:00дөн 03:55ке чейин «Кулунду-автодорожный» (КР) менен «Овчи-Калача» көзөмөл-өткөрүү пунктунун ортосундагы аймакта Кыргызстандын Баткен облусу менен Тажикстандын Согди облусунун жетекчилеринин жолугушуусу болду. Жолугушууга Кыргызстан менен Тажикстандын чек ара башчылары, эки облустун укук коргоо органдарынын жетекчилери катышты”,-деп айтылат маалыматта.
