«Түндүк-Чыгыш» бажысында жана “Түндүк” темир жол бажыларында маалыматтык стенддер орнотулду. Бул тууралуу Жаратылыш ресурстары, экология жана техникалык көзөмөл министрлиги билдирди.
Маалыматка ылайык, такталар “Эко Оператор” мамлекеттик ишканасы тарабынан тышкы экономикалык ишмердүүлүктүн катышуучуларын утилизациялык жыйымды төлөө тартиби боюнча маалымдоо иштеринин алкагында орнотулду.
Маалыматтык стенддерде төмөнкү маалыматтар камтылган:
- утилизациялык жыйымды төлөө тартиби;
- утилизациялык жыйым төлөнүүгө тийиш болгон товарлардын тизмеси;
- тиешелүү ченемдик-укуктук актылар тууралуу маалымат;
- кошумча консультация алуу үчүн “Эко Оператор” мамлекеттик ишканасынын байланыш маалыматтары.
Эми темир жол бажысына товарларын бажылык жол-жоболоштуруу үчүн келген жарандар, бардык керектүү маалыматтар менен таанышып, кызыктырган суроолоруна жооп ала алышат.
