“Кең-Сай” карантиндик фитосанитардык көзөмөл өткөрүү пунктунда Кытайдан Өзбекстанга транзит менен ташылып келе жаткан 24 түрдөгү 7 250 даана гүл көчөтү жок кылынды. Бул тууралуу суу ресурстары, айыл чарба жана кайра иштетүү өнөр жайы министрлиги билдирди.
Маалыматка ылайык, текшерүүнүн жүрүшүндө тиешелүү фитосанитардык документтердин толук эмес экендиги аныкталган. Буга байланыштуу жүктү Өзбекстандын аймагына киргизүүгө мүмкүн болгон эмес.
Жүктү кайра кайтарууга мүмкүнчүлүк болбогондуктан, мыйзам талаптарына ылайык, Жалал-Абад бажы жана чек ара кызматтары менен биргеликте жүк утилизацияланды.
