Ысык-Көл облусунун Түп районуна караштуу Көөчү айылында 275 орундуу жаңы мектептин курулушу жүрүүдө.
Курулуш министрлигинин маалыматына ылайык, долбоор республикалык бюджеттен каржыланып 218 млн сомду түзөт.
Эки кабаттуу имараттын дубалдары тургузулуп, чатырын жабууга даярдык көрүлүүдө, жалпы аянты 2 703 чарчы метрди түзгөн мектеп эки блоктон турат.
Анда окуу класстарынан тышкары компьютердик класс, лаборатория, китепкана, ашкана, дарыгердин бөлмөсү, эмгек кабинеттер жана жыйындар залы каралган.



