Өзгөчө кырдаалдар министрлиги Түп районунун айылдарында табигый кубулуштун кесепетин жоюу иштеринен фоторепортаж менен бөлүштү.
Бүгүн, 4-августта саат 11:00гө карата Каркыра айыл аймагынын Кең-Суу жана Байзак айылдарында жүргөн селдин кесепеттерин жоюу иштерин улантууга ӨКМден 130 куткаруучу тартылган. Ошондой эле, Жарандык коргонуу кызматтарынан 29 кызматкер, жергиликтүү тургундардан 12 адам жалпы 160 адам жеринде иштеп жатат. Техникалык жумуштарды аткарууга ӨКМден 12, Жарандык коргонуу кызматтарынан 8 техника тартылып, учурда тазалоо иштери жүрүүдө.
Эске салсак, 2-августта нөшөрлөгөн жамгырдын кесепетинен кокту-колоттон чогулган сел жогоруда аталган айылдарды каптап, бир катар зыян келтирген.
