Урматтуу чакырылгандар мен силерге кеңеш иретинде айтып коеюнчу. Кыргыздын фамилиясын, ата-тегиңиздердин аттарына сый мамиле кылсаңыздар. Бул тууралуу Жогорку Кеңештин төрагасы Нурланбек Шакиев жыйында билдирип, аты-жөнүн кыргызчалап келүүлөрү керектигин айтты.
«Эгер мен силердин аты-жөнүңөрдү бул жерде жазылгандай окусам, мени туура эмес окуп жатат деп айтышат. Бирок мен тууралап окуп жатам. Мисалы, Дуйшенкуловичти Дүйшөнкулович деп жазат. Дүйшөнкул качан Дуйшенкул болот? Нурдоолот Сатыбекович кыргызча Нурдөөлөт. Эмнеге дагы эле Нурдоолот? Карасартов Алмазбек Оганович. Оган деген жок, Ооганович деген туура. Кийизбаева Жазгуль, Жазгүл болот. Акимов Азирет Доолатбекович эмес, Дөөлөтбекович. Мен ушинтин окусам азыр кыргыз эли күлөт да мага спикер фамилияны туура окуй албайт деп. Кыргыздын атын кордобогулачы»— деди ал.
