7-канал. Жаңылыктар — Кыргызстан

Жаңылыктар — Кыргызстан

Сортировка новостей по дате

Июнь 2024
Пн Вт Ср Чт Пт Сб Вс
 12
3456789
10111213141516
17181920212223
24252627282930
  • social_icon
  • social_icon
  • social_icon
  • social_icon

Түрк Ривьерасында жана Түркэгейде жай уланууда

263

Октябрь айы келип, аба-ырайы төмөндөп кеткени менен Түркиянын Жер Ортолук жана Эгей жээктеринде (Түрк Ривьерасы менен Түркэгейде) эс алуучулар дагы эле жылуу күнгө күйүп, жылтылдаган көгүлтүр сууларда сүзүп, укмуштуудай түрк ашканасынан тамактанып жатышат. Жылына 300 күн бою күн тийип турган Түрк Ривьерасы жана анын мелүүн климаты Түркэгей деңизин жылыткандыктан, саякатчылар үчүн тынч жана идеалдуу күзгү эс алуучу жерлердин катарын толуктайт. Бул жер зыяратчыларды кооз пляждары менен гана эмес, тарыхый шаарлары менен да өзүнө тартат.

Түркэгей: Жайдын даамын таткан күз

Измир провинциясындагы Чешме жарым аралы Түркэгейдин эң популярдуу туристтик жерлеринин бири болуп саналат. Эгей деңизин караган Алачаты, Чешменин түбөлүктүү жери катары, саякатчыларга жергиликтүү даамды сактаган ашкана жана оюн-зоок жайларын сунуштайт. Сиз аймактын кылымдардан бери келе жаткан рецепттерин, алардын заманбап интерпретацияларын жана түрк шараптары менен коштолгон түрдүү тамактарынан даам сыза аласыз.

Көгүлтүр булуңдарды жана кереметтүү жаратылышты камтыган Бодрум түркэгейдин эң стилдүү жана уникалдуу маршруттарынын бири десек да болот. Анткени люкс мейманканалар, жогорку деңгээлдеги мариналар, эл аралык ашканаларды тейлеген мыкты ресторандар жана премиум соода мүмкүнчүлүктөрү дал ушул жерде бар. Гүмүшлүк сыяктуу богемиялык жээк шаарлары, жогорку деңгээлдеги пляж клубдары жана Ялыкавак жана Гөлтүркбүкү сыяктуу укмуштуудай булуңдары менен белгилүү болгон Бодрум жарым аралы унутулгус деңиз жээгинде, күндүн нуруна жылынып, кумдун үстүндө эс алуу үчүн эң популярдуу жер. Байыркы дүйнөнүн жети кереметинин бири Галикарнас мавзолейинин урандылары жана Суу астындагы археология музейи да дал ушул аралда жайгашкан. Жакында Мишелин гидинин тизмесине кирүүчү Бодрумдун эң көрүнүктүү ресторандарынын көпчүлүгү порт, марина жана жээк аймактарында орун алган.

Эгейден түштүккө Жер Ортолук деңизине чейинки саякаттооңузда укмуштуудай кооз жерлер күтүп турат, алардын ар бири табигый керемети жана байыркы цивилизациялардын үйү катары бааланат. Мисалы, Датча жана Бозбурун жарым аралдары тунук суулары бар көгүлтүр саякаттардын маанилүү пункттары жана эс алуу үчүн идеалдуу жер. Аны менен катар, аймактын бейиш булуңдарынын катарында Далян жана мөлтүр таза суулары, жапжашыл жаратылышы менен белгилүү Гөчек, Фетхие жана Өлүдениз сыяктуу көз жоосун алган жерлер да бар.

Анталия: 300 жүз күнгө созулган жай

Түрк Ривьерасынын жүрөгү болгон Анталия жылына 300 күн бою күн тийип турган жаркыраган жана кызыктуу шаарлар, байыркы борборлор, деңиз жана пляждар, токойлор  менен курчалган. Бул жерде жайкы сезон апрелде башталып, ноябрдын аягына чейин созулат. Күзүндө абанын температурасы салкыныраак болуп турганы менен, күндүн табы өз мерчеминде жылуу сакталат. Аталган провинцияда 231 кооз көк желек пляждары бар.  Алардын бири Каш аймагындагы Капуташ пляжы. Жаркыраган бирюза булуңдары менен курчалган Капуташ, дүйнөдөгү эң кооз пляждардын бири катары белгилүү.  Түрк Ривьерасында сиз чөлкөмдүн укмуштуу тарыхына сүңгүп кете аласыз: бүт провинция Пергеден Сименага, Ксантос-Летундан Патарага жана Аспендостан Сидеге чейинки байыркы шаарлар, мурунку цивилизациялардын калдыктары менен камтылган. Ошондой эле, аймактагы казууларда табылган экспонаттардын өзгөчө коллекциясына бай Анталия музейинде ойго салган антик шаарларды зыярат кылуу менен бирге Ликия, Памфилия жана Писидия деген үч маданий аймактын байлыгын көрүүгө да мүмкүнчүлүк түзүлөт.

 

Добавить комментарий

Ваш адрес email не будет опубликован. Обязательные поля помечены *

264