15-февраль күнү кечинде Түркия, Азербайжан жана Түндүк Кипр Түрк Республикасы жер титирөөдөн жабыркагандарга кайрымдуулук каражатын чогултуу максатында “Түркия – бир жүрөк” жалпы улуттук марафонун өткөрүштү.
Кайрымдуулук үчүн чогулган жалпы сумма 115 миллиард 146 миллион лира же 6 млдр 100 млн 180 миң АКШ долларын түздү. Чогулган каражаттар AFAD менен Кызыл Жарым Ай коомунун эсебине которулат.
Белгилей кетсек, Кахраманмарашта жер титирөөдөн жабыркагандарга тез медициналык жардам көрсөтүү үчүн көчмө оорукана ишин улантууда.