Түркиянын Конья провинциясындагы айылдардын бириндеги талаада чоң чуңкур пайда болду. Анын тереңдиги 15 метрге чейин, ал эми диаметри бир нече ондогон метрге жетет. Бул тууралуу life.ru жазып чыкты.
Маалыматка ылайык, мындай табигый көрүнүш Карапынар айылына жакын жерде пайда болгон. Ал кандайча жана эмне үчүн пайда болгону азырынча белгисиз, бирок жергиликтүү тургундар мындай чуңкур мурда жок болгондугун айтышкан. Бул чуңкурдун жер титирөөлөргө эч кандай тиешеси жок деп чуңкурларды изилдөө борборунун директору Фетулла Арык билдирген.
