5-класстын окуучусу Түркияда өткөн музыкалык сынакта биринчи орунду алды. Бул тууралуу Ош шаарынын мэриясынын басма сөз кызматы билдирди.
Маалыматка ылайык, Ош шаарындагы «Профессор П.Купуев атындагы билим берүү Академиясынын» 5-классынын окуучусу Дарига Тайлакбаева Түркиянын Адана шаарында өткөн «Yurt Сağdaş Kültür ve Sanat» аттуу онлайн музыкалык сынагында биринчи орунду багындырды.
Жеңүүчүнү мэр Алмаз Мамбетов кабыл алып, жетишкендиги менен куттуктады.
Белгилей кетсек, эми аталган сынактын жеңүүчүлөрү жана шаардагы мектептердин активдүү 16 окуучусу «П.Купуев атындагы билим берүү Академиясынан» акысыз билим ала алышат. Бул аркылуу көп балалуу үй-бүлөлөргө, ата-энесиз балдарга, мугалимдердин жана дарыгерлердин балдарына колдоо көрсөтүү максатталган.