Түркиянын түштүк-чыгышында, Сирия менен чек арага жакын жерде катуу жер титирөө болду. Акыркы маалыматтар боюнча, 284 адам каза болуп, эки миңден ашууну жаракат алган. Бул тууралуу Түркиянын вице-президенти Фуат Октай билдирди.
«1700дөн ашык үй талкаланган. Урандылардын астынан куткаруучулар жана жергиликтүү тургундар тирүү калгандарды издеп жатышат. Өлкөдө өзгөчө кырдаал жарыяланды. Натыйжада каза болгондордун саны 500дөн ашты»,- деп берилет маалыматта.
Сириянын Саламаттыкты сактоо министрлигинин маалыматы боюнча Алеппо, Латакия, Хама жана Тартус провинцияларында 237 адам каза болуп, 639у жарадар болгон.
Ал эми, Түркиянын вице-президенти Фуат Октайдын айтымында, 284 киши каза болуп, дагы 2383 киши жарадар болгон.
«Кахраманмараш провинциясында 300дөй имарат талкаланган. Жарадарлардын көбү Шанлыурфа провинциясында – 600гө жакын. Кахраманмараш провинциясында бүгүн эртең менен күчү 7,4 баллга жеткен жер титирөө болгон. Ар башка шаарларда жүздөгөн имараттар урап, Хатай провинциясында газ түтүкчөсүндө жарылуу болду. Өлкөдө коопсуздуктун эң жогорку деңгээли жарыяланды»,- деп берилет билдирүүдө.
