Түркиядагы жер титирөөдөн 912 адам каза болуп, 5385 адам жаракат алды. Бул тууралуу Түркиянын президенти Режеп Тайып билдирди.
«Учурда 2470 адам куткарылган. Дагы каза болгондор бар болушу мүмкүн», — деди ал.
Президенттин айтымында, каза болгондордун санын алдын ала айтуу кыйын. Ошондой эле ал ар кайсы шаарларда 2818 имарат урап калганын билдирген.
Эскерте кетсек, жер титирөө Түркиянын Кахраманмарас провинциясында бүгүн таңкы саат 4:17де башталган. Жер титирөө Сирия, Ливан, Ирак жана Израилде болгон.
